Former FSM Speaker Jack Fritz Calls for End to Secession Efforts

Fiti enletin ach sufon me menin, tirou lang, tirou pun, tirou matau. tirou pwetete womi meinisin aramasen Chuuk mei kan ani ourekin met epwe fis ngeni fonuwach me kich aramas ika a ponuweta ei kokot. Me mwan upwe satuni ne apasa ekis aninis, ouse mochen sipwe mo anifengeni ewe Iotek F. Assisi a aitingeni kich: IOTEKIN KINAMWE
CHON NEMENEM KOPWE NGENI EI PISEKIN OM WE KINAMWE. IKEWE A WOR IA KOPUT, UPWE AWORA TONG.
IKEWE A WOR IA FEIENGAW, UPWE AWORA OMUSOMUS.
IKEWE A WOR IA TIPESEFEN, UPWE AWORA TIPEEU.
IKEWE A WOR IA TIPEMWAREMWAR, UPWE AWORA ACHIFOUWA. IKEWE A WOR IA MWANINO UPWE AWORA ENLET.
IKEWE A WOR IA EPINUKUNUKUNGAU, UPWE AWORA EPINUKUNUK. IKEWE A WOR IA NONINEN, UPWE AWORA PWAPWA. IKEWE A WOR IA ROCHOPWAK, UPWE AWORA SARAM. AI CHON NEMENEM, KOPWE ANISIEI, NE KUTTA PWE ARAMAS RESAP CHACHARIEI NGE AI UPWE CHACHARI ARAMAS; AN ARAMAS RESAP ANISIEI NGE NGANG AI UPWE ANISIR; ARE RESAP TONGEIEI NGE NAP SENI AI UPWE TONGER; REN MINEN FANG IWE SIPWE ANGEI; REN ACH SIPWE OMUSOMUS SIPWE MUSONO; REN MANO SIPWE UPUSEFAN PWE SIPWE TONONG NON EWE MANAU. AMEN.

Omusalo, kich mei kan chok akaneani napengeni met kei owa kan share fengen nefinach won ei mokutukut, nge mei och sipwe chechemeni nouch we pon ira non pusin nouch we Chuuk Constitution,”Toong”. Sipwe tong fengen pwan asamonu fengeni kich won ei social media.

Ngang mei fakkun mochen pwan wata ai aninis me noom nge ukan mochen witi noom an epwe fat mefian Merika me FSM won ach ei onotan. A fat mefian Merika, ese pwan namot ach sipwe anini ika pwarata ach memef ach esita pun ina mefier. Nge mefian FSM ese mo kon fat ngeni ei ina pwata use mo mochen mongungu. Iei a ekis fat. Met ngang upwe achema ren mefiei, upwe chok apasa iei mo an epwe chok mecheres pwan ina chok m met e auchea merei iei ach sipwe weweiti.

EWIN, FSM CONSTITUTION. Eu etipeeu ika contract fengen pusin nefinach, chon ekkewe 4 states pwe sipwe eu chok Muun, eu chok aramas, sia afata fan pungun ach we soverign rights sia etiwa ewe Chunap. ei Chunap e anongonong won ewe Unity, Article XIII, section 3. Omusalo pun ngang use kon sinei nounoun ekkei machin iwe usun ai kewe post, ra fen chok delete ena pusinchok ai angangaw. Sefaniti met ekkewe 2 documents u mochen poraus won,

• Ewin ewe FSM CONSTITUTION, kich chon Chuuk fiti fengen me chon ekkewe 3 states sia tipeu pwe sipwe chok eu Muun, eu aramas, anongonong won ewe Unity samach kewe refou fengeni kich won. Wewen pwe eu Contract.
• Oruan, ewe Compact, as amended, ena pwan eu contract nefinen chon FSM, fiti ach kewe Muun 4 states pun kich mei uttut won passini tori an ewe FSM Congress a ratified. Usun uwa fen apasa pun kich mei akaneani ami kei akaporaus, nge sise mo mochen mongungu pun si mochen sinei mefian Merika me FSM. Uwa fen akapasa pwe a fat mefian Merika a tou seni pusun ewe a kan tupunir ngeni FSM, H.E. Riley. A pwan i fat mekewe a afata epwe fis ika sia tou seni FSM. Ese namot ach sipwe pwan era ach sise tipeeu ika comments won pun ese pwan wor ach puung won ar puung. FSM a ekis fat ngeni kich ina pwata upwe mo chok apasa ekis nge pwan witiwit an epwe pwan fatoch mefian FSM me murin. Usun uwa fen apasa an epwe mecheres ach weweiti met epwe tongeni fis ngeni kich iwe sipwe chok katon ekkei 2 contract, ika awewe non annukan contracts. Mei wor eu principle non contract ekan era, “anticipatory breach”. Ach sipwe weweiti wewen ei, contracts, si kan negotiate, met kopwe ngeni ei, nge met ngang upwe angei me rem pwe niwinin met kewe upwe ngonuk. Non annukun contracts rekan era,”CONSIDERATIONS”. Iwe ika ka ereniei, usap chuen fori met kewe u pwon ngonuk upwe ngonuk. Ka afata pwe kopwe ne atai ach we pwon ika contract, iwe ina wewen “anticipatory breach” a fat ngeni ei iwe a wor ai puung ai usap chuen pwan fori wisei we ngonuk pun pwata upwe fori nge fen afata pwe kosap chuen fori om kewe sekining ngeni ei.
• Niwiniti, ika sia uttut nge a pass ewe “YES”, usun nge sia afata ngeni Merika me FSM pwe sisap chuen fori met kewe ururun sia fen tipeeu me afata ngenir pwe sipwe fori. FSM mei tongeni era pokiten owa afata pwe oupwe ne suseni kem, iwe pwata aipwe pwan chok ita mochen negotiate ngeni kemi ika owa mochen tungor noum ei passport, ika trust funds, Non annukun contract, FSM mei tongeni pun a fen fat ngeni pwa sia mochen su seni, sia atai ach we pwon non Art. XIII, section 3 pwe sipwe apochokuna ewe Unity.
• Nouch we Speaker non an mongungu ngeni chon ewe Southern Namoneas Leadership a apasa,”do not bite the hands that feed you”. Io ei a amongo ni kich. Sap Merika me FSM? Nge met sion ani ourekin Merika pun a fan fat mefian nge usun sia rong, nge sise mochen rong, sia sinei nge sise mochen, sinei, sa kuna nge sise mochen kuna.

NONGUNONGUN EI RIRI ME MERIKA, ekkewe pwon fengen nefinach. MET EI SI KAMO FENGEN WO NEFINACH. Mei fat ngeni kich met kei merika a ngeni kich, iwe ewe Ambassordor a era mei epwe tou seni kich ika sia independent. Nge me si ngeni Merika pwe siwinin ika niwinin ach kei benefits kich i sia sinei met kei. Iei met Merika e auchenai a angei seni kich:

• EWIN E ERA “STRATEGIC DENIAL” ORUAN, : DEFENSE VETO” . Strategic denial ina met eu pochokunen ach Muun FSM pwan Palau me Marshall, pwe non ach kei FAS jurisdiction, Meika epwe ne wisan nemeni ika epwe mumuta an sounfiun ekis, ka war ship ika met, a wissen nemei ika repwe tonong non ukukun ach we jurisidiction. Wewen seni setin Palau tori FSM tori setin Marshalls, nemenian Muun Merika an epwe mutata sounfiun ekis repwe tonong non. Defense veto, non ei fansoun Compact, ika pwe ach we Muun FSM e fori eu an puung ngeni eu Muun fonufan nge Merika e mefi pwe mei atai an we puung non ewe “strategic denial, ika ann epwe defend FSM, iwe epwe esinesin ngeni FSM pwe ese tipeeu ngeni iwe esap ponueta met ewe FSM me ewe Muun re fori. A veto ni ewe mettoch.
• Niwiniti ika Chuuk a independent, ekkei rights an chuuk non ewe bigger denial rights me defense veto, Chuuk a ma angei seni Merika (Dr. Jojo mei kapas eis won ei). Wewen pwe Chuuk a afata ngeni Merika pwe ika a uti “Yes” iwe epwe ne angei an kewe pung seni Merika. Chechemmeni pwe FSM Governments, mei pachenong Chuuk won ewe Pwon ngeni Merika. Usun chok pwan met ewe sia apasa ren ewe FSM Constitution, Merika epwe era a wor ewe Anticipatory breach an Chuuk, Iwe Merika mei pwan tongeni era upwe ne pwan aukatiw met kewe ai pwon ngonuk Chuuk pun a fat mefiom (anticipatory).
• Iwe non ewe public law e passini ewe amended Compact, Iei met a mak: PL. 108-188 section 105 (e) Noncompliance Sanctions; actions incompatible with United States Authority. Congress expresses its understanding that the Governmens of the FSM and RMI will not act in a manner incompatible with the authority and responsibility of the US for security and defense matters…. Congress further expresses its intention that any such act on the part of either of such government will be viewed by the US as a material breach of the FSM compact…. United States reserves the right in the event of such breach of the fsm compact… to take action, including (but not limited to) suspension in whole or in part of the obligations of the US to that Government. Wewen Merika mei tongeni view ika era pwe Chuuk a afata pwe epwe ne atai met we a fen pwon won, iwe mei tongeni non 2019, 2020, ika 2021, ika 2023, fori aukatiw met kewe e awora ngeni FSM esap chuen fis ngeni Chuuk. Iei ai noninen, pun usun ewe ambassador mei era, and it is true, a fen chommong nowisen Merika re kapas eis ren ach ei contract.
• Kich sia rong pwe Merika me FSM iei ir mei anganga met sipwe fori ren ach sisap kon weires ren ewe shortage ren monien ewe Compact Trust Fund.
• Fonufan unus mei menei ar repwe kochufengen pun repwe pochokun, EU, pwan businesses repwan merge pun ar repwe chufengen chommong iwe ra pochukun ne compete non ach eu fonufan mei watte fitikoko won met ach mother earths a awora ngeni kich. Chufengen pochokun, kaimu fesen, apwangapwang.
• Kich mei manaw iei. Pwata sipwe ne fen su seni manau su ngeni mano. Pwan fakkun tirou sefan womi meinisin, kich i eu chok.
• Ita an esap nuus monien ach ei Muun ese naf monien iwe sipwe fen tungor ngeni nouch kewe monun ach we Chuuk Legislature pwe repwe ne mo ateieno ei Political commission nge fen ewini ngeni eu economic commission epwe anisi nouch kei nouwis ne kutta met kei osukosuk sia kan chok pwan tipengeni ekkewe hands that feed us.

Ai tong ngeni kemi meinisin pwan omusalo ika kose tipeeu ngeni met sia makei, ngei iei ai weweiti pwan iei ai aninis. Kilisou chapur, Nepong annim ika Ran Annim meinisin.